ភ្នំពេញ៖ ក្នុងការចងចាំដ៏ក្រៀមក្រំមួយ សម្តេចតេជោ ហ៊ុន សែន ស្ថាបនិកសន្តិភាពនៃកម្ពុជា បានរំលឹកអំពីព្រឹត្តិការណ៍ដែលបានកើតឡើងកាលពី៤៧ ឆ្នាំមុន នៅថ្ងៃទី២០ ខែមិថុនា ឆ្នាំ១៩៧៧។ សម្តេចតេជោ បានបង្ហាញពីទម្ងន់នៃការចងចាំទាំងនោះ ដោយមានប្រសាសន៍ថា «ទោះពេលវេលាបានកន្លងហួសរយៈពេល៤៧ឆ្នាំទៅហើយក្តីតែនៅពេលដែលខ្ញុំនឹកឃើញដល់រឿងរ៉ាវដែលបានជួបប្រទះកាលពីថ្ងៃ២០ មិថុនា ១៩៧៧ ទឹកភ្នែកខ្ញុំតែងស្រក់ចុះមកជាប់មិនដាច់។ ពិតជាខ្លោចផ្សានិងឈឺចាប់រកពាក្យនិយាយមិនបាន» ។

សម្តេចតេជោ ហ៊ុន សែន បានបញ្ជាក់ពីសារៈសំខាន់នៃសម័យនោះដោយពន្យល់ថាជីវិតធ្វើជាដើមទុនដើម្បីរំដោះប្រទេសជាតិ និងសង្គ្រោះប្រជាជនពីរបបប្រល័យពូជសាសន៍ប៉ុលពត។ សម្តេចតេជោ បានសញ្ជឹងគិតអំពីផលវិបាក ដែលអាចកើតឡើងប្រសិនបើសម្តេចស្លាប់ក្នុងអំឡុងពេលដ៏ច្របូកច្របល់នោះដោយសញ្ជឹងគិតថា «ប្រសិនខ្ញុំស្លាប់នាពេលនោះ តើនឹងមានអ្វីកើតឡើងនាពេល៤៥ឆ្នាំកន្លងមកនេះ? » ។

សម្តេចតេជោ បានគូសបញ្ជាក់ពីការលះបង់ដ៏ខ្ពង់ខ្ពស់បំផុតដែលបានធ្វើដោយថ្លែងថា «យកជីវិតទៅប្តូរយកការរស់រានមានជីវិតរបស់ប្រជាជន។ យកជីវិតទៅប្តូរយកសន្តិភាពជូនប្រជាជនតាមរយៈនយោបាយឈ្នះឈ្នះ» ។

សម្តេចតេជោ ហ៊ុន សែន ក៏បានលើកឡើងពីសារៈសំខាន់នៃការផ្ទេរអំណាចដើម្បីសន្តិភាព និងការអភិវឌ្ឍប្រកបដោយចីរភាព ដោយតស៊ូមតិដើម្បីការផ្លាស់ប្តូរអ្នកដឹកនាំពីជំនាន់ចាស់ទៅមនុស្សថ្មី។ សម្តេចតេជោ បាន បញ្ចប់ ដោយ រម្លឹក ថា គ្មានជោគជ័យឬលទ្ធផលណាមួយដោយគ្មានការបង់ថ្លៃឬការលះបង់នោះឡើយ៕